Bacolod City – Tuman ang kalipay sang aktres nga si Coleen Garcia bangud nalab-ot sini ang handom nga maka-angkon sang pamilya kaupod ang bana nga si Billy Crawford apang daw masinggit na ini sa kakapoy bangud sa pag-breastfeed sa ila isa ka tuig nga bata nga si Amari.
Suno sa aktres, “frustrating” kag “draining” kun kaisa ang breastfeeding bangud indi ini makahulag sang husto ilabi sa tunga sang kagab-ehon apang iya sa gihapon ini nga padayunon asta nga makalab-ot sa tatlo ka tuig ang ila bata.
Pagdumdom sini, daw ginakuhaan siya sang kabuhi sa una nga tion nga gin-breastfeed niya si Amari.
Iya man ginpabutyag nga isa ka “dream come true” ang iya kabuhi kaupod si Billy kag suno sa iya, gindugangan sang aktor ang kumpyansa niya sa kaugalingon.
“I really feel like I’m living my ‘dream come true.’ It has always been one of my dreams and goals – even before I met Billy — kasi my parents are separated… I didn’t really grow up in the happiest childhood so it has always been my number one goal to have a family, be married, have children, and now I’m living it,” suno sa aktres.
