Nagapati si Bacolod Councilor Dindo Ramos, chairman sang Committee on Transportation sang syudad nga indi mangin paralisado ang biyahe bangud sa patigayunon nga untat-byahe sang pila ka mga transport groups.
Nagahingyo ang grupo sang dugang nga P2.50 sa plete bangud sang asud-asud nga pagsaka sang presyo sang gasolina humalin sang tinalikdan nga mga sinemana.
Bangud diri, nagdesisyun ang mga transport groups sa syudad nga magpatigayon sang lima ka adlaw nga transport strike.
Apang nagalaum si Ramos nga indi tanan nga mga drivers sa syudad ang magatambong sa patigayunon nga untat biyahe.
Sini nga hapon, Lunes, Marso 7, may pagsapol ang konsehal sa duha ka dalagku nga mga transport groups sa Bacolod.
Diri mahibaluan suno kay Ramos, ang desisyun sang duha ka transport groups sa plano nga untat-byahe.
Sa karon wala pa sang pinal nga petsa kun san-o patigayunon ang lima ka adlaw nga transport strike sa Bacolod.*
by Aileen Pedreso
