DASMARIÑAS, CAVITE– Patay ang 22-anyos nga computer science student matapos ginbuno sa iya dormitory sa Dasmariñas, Cavite.
Ginkilala ang biktima kay Queen Leanne Daguinsin.
Suno sa isa ka report, nasapwan-patay si Daguinsin sa iya mismo nga kwarto sa Barangay Santa Fe takna las-5:00 sang hapon, Martes, Marso 28, 2023.
Base sa imbestigasyon sang kapulisan, naka-agum si Daguinsin sang 14 ka buno sa nagkalain-lain nga parte sang iya lawas.
Suno naman sa nagabantay sang dorm, pila ka mga classmates ni Daguinsin ang nagkadto sa iya agud kamustahon bangud wala na ini nagasulod sa klase.
Apang nakita na lamang nila nga duguon na si Daguinsin sa sulod sang dorm.
Nakita sa CCTV footage ang isa ka lalaki nga nagguwa sa dorm ni Daguinsin nga may suksok nga blue shirt, black cap, face mask kag kapyot nga matalom nga armas.
Dugang pa sang kapulisan nga wala sang indikasyon nga ginhimuslan ang biktima base pag-proseso sang crime scene.
Sa subong ginhaya na ang bangkay sang biktima.*
