Construction Worker Dakup sa Buy-Bust sa San Carlos matapos Magbaligya sang ‘Shabu’ sa Police Poseur Buyer

SAN CARLOS, NEGROS OCCIDENTAL – Dakup sa ginpatigayon nga buy-bust operation ang construction worker nga si Antonio Abadies, 31-anyos, matapos magbaligya sang isa ka sachet sang ginasuspetsuhan shabu sa police poseur buyer sa Purok Lawaan, Barangay 1, sa syudad sang San Carlos, Negros Occidental takna las 7:54 sang aga sang Martes, Agosto 23.

Narekober sa suspek ang duha ka sachets ukon pakete sang ginasuspetsuhan shabu lakip na ang buy-bust item nga nagabug-at sang 6 gramos kag nagabalor sang P40,800.

Nakuha man ang isa ka cellphone, isa ka plastic straw, isa ka digital weighing scale, isa ka back pack nga nagaduag blue kag P3,200 nga buy-bust money.

Yara naman ang suspek sa kustodiya sang San Carlos City Police Station.