Ginkaalarma sang OCTA Research Group, isa ka grupo nga nagahiwat sang mga pagtuon sa COVID-19 data, ang nadiskubrehan nga COVID-19 variant sa Brittany, France nga indi madetect sang RT-PCR testing.
Suno kay Guido David sang OCTA, possible nga magakinahanglan naman sang adjustments sa protocols sang mga nagasulod sa Pilipinas.
Sa karon, gina-quarantine sang 7 ka adlaw ang mga inbound passengers kag gina-test gamit ang RT-PCR sa ikalima ukon ika-anum nga adlaw.
Kung magnegatibo, ie-endorso sila sa local nga pamunuan sang ila lugar nga padulungan.
“Ayusin natin ang international travel protocols natin… Dapat ‘pag may papasok na returning Filipinos o tourists dapat mandatory na ang quarantine period kasi hindi nade-detect ng PCR,” suno kay David.
Pahayag naman sang Department of Health (DOH), wala ginashortcut ang mandatory 14-day quarantine kundi ginatugyan na lamang ini sa mga local government unit.
“Simula’t sapul kailangan 14 days quarantine sa lahat ng papasok sa ating bansa. Ang sa atin lang, mayroon lang shared responsibility ang national at local governments,” suno kay Health Undersecretary Maria Rosario Vergeire.
Ginakabalaka naman sang Malakanyang ang mga report angut sa bag-o nga COVID-19 variant.
Suno kay Presidential Spokesperson Harry Roque gilayon ini nga paga-istoryahan sang Inter-Agency Task Force (IATF) sa Emerging Infectious Diseases agud makadihon sang bag-o nga polisiya.
