BACOLOD CITY- Pormal na nga gin pakilala sang Philippine National Volleyball Federation (PNVF) ang Premier Volleyball League (PVL) Invitational Conference 2022 Champions Creamline Cool Smashers bilang representante sang Pilipinas sa AVC Cup 2022.
Nalakip sa team sanday Alyssa Valdez kag Fille Cayetano bilang Outside Hitters, Ced Domingo, Risa Sato, Jeanette Panaga kag Pau Soriano bilang Middle Blockers, Michele Gumabao kag Tots Carlos bilang Opposite Hitters, Ella de Jesus kag Kyla Atienza bilang Liberos, Jia de Guzman kag Kyle Negrito bilang Setters, Rose Vargas kag Jema Galanza bilang Outside Hitters.
Apisar sang pagtaktak sa National University (NU), hinali nga nagdesisyon ang PNVF nga kun sin-o ang mangin kampyeon sa PVL sila ang mangin representante sang Pilipinas.
Una nga paga-atubangon sang Pilipinas ang Vietnam sa Domingo, Agosto 21 sa PhilSports Arena sa Pasig City.
Sadtong 2018, kabahin man sanday Valdez, De Guzman, Galanza kag Sato sa Team Pilipinas sa AVC Cup nga ginhiwat sa Nakhon Ratchasima, Thailand.
