‘Curfew for minors’ posible ipatuman sa Bacolod City Public Plaza kag Old City Hall

BACOLOD CITY – Ginalantaw sang Bacolod City local government unit (LGU) nga ipatuman man ang curfew para sa mga menor-de-edad sa Bacolod City Public Plaza kag Old City Hall kada las dyis sang gab-i.

Suno kay Primitivo Tabujara, Head sang Public Order and Safety Office (POSO), may magalibot nga mga patrol agud masiguro nga ginasunod ang curfew.

Una nga ginpatuman ang curfew sa Bacolod City Government Center bangud sa kutsilyo nga nakit-an sa isa ka pamatan-on nga nagalagaw.