Gindayaw sang iya mga classmates ang isa ka college student nga bisan yara sa tunga sang maisan kag nagapanguma, ini ang nahimo pa sa gihapon nga magpasa sang ginapahimo sa ila nga activity sa eskwelahan.
Bangud wala ini sang papel, nag-gamit si Mariel Prayco Bulana sang dahon sang saging para lang makahimo sang ila activity kag may ipasa sa ila klase.
“Kudos💪! Sa amun classmate bisan Ara sa Tunga sang kamaisan Wala gid nagbalakid Ang iya ubra apang Indi kapasa sang ginpahimo samun nga activity sa bisan Wala papel halip nag send man ini sang iya answer sa pinaagi sa dahon ka saging. Kami nga iya classmate naka saksi gid sang iya dedikasyon para makatapos sang iya pag eskwela! Proud kmi simo Mariel Prayco Bulana,” suno sa post sang classmate ni Bulana nga si Ramil Guevara Billones.
Si Bulana ang isa ka 4th year student sa Capiz State University (CapSU) Pontevedra Campus kag nagakuha in sang kurso nga Bachelor of Science in Business Administration.
Nagapakita lang nga indi sablag ang kapigaduhon sa tawo nga gusto makatapos eskwela kag malab-ot ang handum.*
