DAVAO CITY MAYOR SARA DUTERTE, NAG-RESIGN NA SA HUGPONG NG PAGBABAGO

Pormal na nga naghalin sa Hugpong ng Pagbabago si Davo City Mayor Sara Duterte pila ka adlaw antes ang deadline sang subsititution para sa 2022 elections.

Nag-abot sa Balesin Island sa Quezon si Sara agud magtambong sa birthday ni House Speaker Lord Allan Velasco.

Yara man sa nasambit nga selebrasyon si Gloria Macapagal Arroyo nga President Emeritus sang Lakas-CMD.

Nasubuan man nga naghalin si Sara sa iya nga partido apang ginpromisa sini ang padayon nga pagsuporta sa Hugpong ng Pagbabago kag nagpasalamat ini sa tanan nga nabulig sang iya partido.

Matandaan nga ang Hugpong ng Pagbabago ang gindala ni Sara nga partido sadtong 2019 Senatorial election kung sa diin, ginkampanya niya ang 30 ka senatorial candidate nga kalabanan sa ila ang nagdaug.