Delivery Rider Patay matapos Makasalawid sa Kable kag Malapakan sang Truck

BATANGAS CITY – “Dead-on-the-spot” ang isa ka delivery rider sang matumba ini bangud nakasalawid ini sa nakaluyloy nga kable sang kuryente sa karsada kag nalapakan sang dump truck Sa Batangas City sang Huwebes, Hulyo 21, 2022.

Ginkilala ang biktima kay Raynaldo Ayaton, 33-anyos.

Suno sa imbestigasyon, makuha kuntani sang kwarta ang biktima nga nakolekta niya bilang delivery rider.

Sang yara na ini sa karsada sang national highway sa bahin sang Barangay Sampaga, natumba ini sang nakasalawid siya sa nakaluyloy nga kable kag nalapakan sang truck.

Nagpalagyo naman ang driver sang truck.

Ginpatigayon naman ang imbestigasyon sang kapulisan agud makilal-an na ang driver sang truck.