Isa ka delivery rider nga nagapangabuhi lang kuntani ang gin-alegar na scam sang masobra P13,000 nga bili sang pagkaon kag load sang customer nga nagpakilala nga doktor sa ciudad sang Bacolod, Lunes nga adlaw, Marso 8.
Nagtawag sa telepono sang isa ka store kag nag-order ang customer sang pagkaon nga nagabalor P6,000. Ini ang ipa-deliver niya sa hospital clinic.
Ginkuha sang rider nga ginkilala kay JM Palomo ang order kag iga-deliver na kuntani.
“Nagtawag si customer kay rider hambal madala change para sa 2k each nga ibayad sng 5 doctors which is 800 pesos change each so total of 4,000 change (strategy para may extra money si rider para mbakal sang ipasugo nya),” suno kay Ronzy Alipato nga nag-post sang istorya sang rider agud maghatag awareness sa iban pa nga riders.
Sang on the way na ang rider sa hospital, nagtawag liwat ang customer sa rider kag naglihog nga mahapit sa isa ka store nga alagyan man lang malapit sa hospital agud magbakal sang 1.5 liters nga softdrinks.
Naglihog pa gid ang customer nga paloadan sang P1,000 kada isa ang numbers sang lima ka doktors nga upod sini.
Naghambal si Palomo nga indi na kalab-ot ang iya kwarta apang nag-insist gid ang customer nga makipag-istorya sa cashier kag naghambal nga paloadan kay may nagapakadto na nga puti nga Innova para magdala sang bayad.
“I think nadala gid sila sa maayo nga hambalanon sng scammer kay naga pretend nga professional doctor,” gindugang pa ni Alipato.
Sang natapos na nga ma-loadan, wala na nagasabat kon tawgan ang customer.
“To cut the story short na scam gid si rider worth 13k, not including the foods nga gin order ni customer sa amon. Need pa gawadon si rider sng iya manager sa load store kay wala pa nabaydan ang load kag may balance pa na kaylangan mabydan,” suno pa kay Alipato.*
