Matapos ang masobra 15 katuig nga pagtrabaho abroad, naswertehan ang isa ka dental assistant nga magdaog sang United Arab Emirates dirham (AED)250,000 ukon kapin P3.25 million sa pinakaulihi nga weekly raffle draw sa nasambit nga pungsod.
Lakip si ‘Leilani’, 44 anyos, sa duha ka mga overseas Filipino workers (OFWs) nga nagdaog sa nasambit nga raffle sa Al Ain, Abu Dhabi.
“Dental assistant ako sa Pilipinas bago nag-abroad. Pangarap ko rin na magka-clinic kapag pinalad na makapag-ipon. Napalapit na ang pangarap na iyon,” suno kay Leilani.
Nagbiya si Leilani sa pungsod Pilipinas sadtong tuig 2006 agud magtrabaho bilang dental assistant sa Saudi Arabia.
Suno sa iya, ang nadag-an nga kwarta ang igabayad niya sa iya mga utang, isuporta sa iya mga ginikanan, ibulig sa iya high school alma mater kag ipang-gasto sa pag-eskwela sang iya bata nga babayi.
“First and foremost is the education of my daughter. My daughter is in grade 12 and wants to study medicine. I would have needed to work for 20 years to pay for it. Now I can make her dreams come true after winning in the raffle draw,”suno kay Leilani.
