“Buking na” kag “hindi na kami magpapaloko,” ang pila sa mga ginbuy-an nga pahayag ni Senator Imee Marcos sa plano sang Department of Agriculture nga mag-import sang “white onions” bangud sa gin-alegar kakulangan sa suplay.
Suno kay Senator Imee, nga magulang ni Presidente Ferdinand Marcos Jr., isa naman ini ka modus operandi kag wala ini gapati nga may shortage sa “white onions.”
Ang pag-resign sang pila ka mga opisyales may angut sa tuyo nga pag-import sang 300,000 metric tons nga kalamay ang dapat nga mangin paandam na sa mga grupo nga luyag makaginansya sa iligal nga pamaagi halin sa dako nga pag-import sang mga produktong pang-agrikultura.
“Let this serve as a fair warning to all concerned. We are aware of the modus operandi going on. It’s the same old story. It just keeps repeating itself. First, they smuggle. Then they create a shortage and produce a legitimate import permit. By next week, I have no doubt smuggled onions will flood the market covered by a ‘legitimate’ importation order of gargantuan proportions,” suno kay Senator Imee.
Ginhambal man sang senadora nga may yara sang P36 milyones nga balor sang sibuyas bombay ang nakumpiskar sa Misamis Oriental kag gin-deklarar lang nga “spring roll patties” kag “plain churros”.*
