Friday, March 29, 2024

Deployment Ban sa Saudi Arabia, pagakakson na sang Pilipinas sa Nobyembre 7

- Advertisement -

Pagakakson na sang Pilipinas sa Nobyembre 7, 2022 ang deployment ban sa Kingdom of Saudi Arabia, suno sa Department of Migrant Workers (DMW) sini nga Martes, Setyembre 13.

Suno kay DMW Secretary Susan Ople, napagdesisyunan ini sang pungsod matapos nga nagsapul ang mga opisyal sang Pilipinas kag Saudi Arabia.

Overseas Filipino Workers waiting for their deployment in the Kingdom of Saudi Arabia. Photo from YASSER AL-ZAYYAT.

Ginpahayag ni Ople, nakigsapul ini kaupod ang iban pa nga mga opisyales sang DMW kay Saudi Minister of Human Resources and Social Development Ahmad Bin Sulaiman Al-Rajhi kag sa mga opisyales sini.

- Advertisement -

Ginkasugtanan sang duha ka grupo nga maghimo sang tikang nga masiguro nga maproteksyunan ang kinamatarong sang mga OFWs sa pungsod Saudi Arabia.

Kalakip sa ila ginkasugtanan ang pagpadayon nga pagpadala sang mga mamumugon nga Pinoy sa Saudi Arabia sumugod sa Nobyembre 7.

Gindugang pa ni Ople nga pagatipunon sang DMW ang mga recruitment agencies sa pungsod kag pabaskugon pa ang koordinasyon sa Technical Education and Skills Development Authority (TESDA) agud masiguro nga bastante ang “training” sang mga igapadala nga mga domestic workers sa KSA.

Madumduman nga ginpatuman sang gobyerno sadtong nagligad nga tuig 2021 sa pagpanguna ni anay Labor Secretary Silvestre Bello III ang deployment ban sa KSA bangud sa mga kaso nga pag-abusar sa Pinay nga domestic helpers.

Luwas sa sini, wala man nahatag sang KSA ang “backwages” sang 9,000 nga mga OFW nga nagdangat sa P4.6 billion.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles