Nagpasa sang isa na naman ka hagna (bill) si Congressman Edcel Lagman, nga nagaduso sang pag “legalize” sang diborsyo sa Pilipinas.
Sa isa ka statement, ginpalayag sang kongresista nga makaangkon na sang kahilwayan sa mas madali nga panahon ang mga asawa nga yara sa mabudlay nga sitwasyon, kalakip man ang mga gina-abuso, bangud sang indi na mabalik pa nga relasyon ukon marriage.
Pasado na sa ikatlo kag pinal nga pagbasa sa Kongreso ang bill ukon hagna nga una gin “file” ni Lagman sa 17th Congress, apang wala ini gin aktuhan sang senado.
Aprubado naman sang Committee on Population and Family Relations sa 18th Congress ang isa pa gid ka version sang divorce bill, apang wala ini mapadayon sa Committee on Appropriations bangud sang COVID 19 pandemic.*
