RBSFM NEWSCENTER – Plano sa karon sang gobierno nga kakason bilang kabahin sa mga requirements sang mga naga biyahe ang travel authority kag medical certificates suno sa kay Department of the Interior and Local Government (DILG) Undersecretary Epimaco Densing III.
Suno sa kay USEC.Densing, mangin palarehos ang health protocols sa bug-os nga pungsod agud may harmony ang pag patuman sini. Rason ni Densing, ang travel authority kag local health certificate ang lunsay mga wala sang kapuslanan.
Wala na sang focus ang pulis sa peace and order bangud suno sa iya, sako na ang mga ini sa pag issue sang travel authority. Samtang ang medical certificates naman ang wala man sang kapuslanan bangud kun ini ang kuhaon mo sa mga health centers tatlo ka adlaw bag-o ang pag biyahe, ano ang kasigurohan nga wala ka ma latnan sang COVID-19 sa sulod sang tatlo ka adlaw matapos mo makuha ang amo nga Health Certificate.
Sa interview sang ABS-CBN Teleradyo sa kay Densing, gin hambal sini: “May kalituhan pero dahil may government at IATF [Inter Agency Task Force] policy na kailangang dahan-dahan para makagalaw for purposes of tourism, kailangan mayroong common protocols.”
Luyag man sang gobierno nga dulaon ang requirement nga swab testing bag-o mag travel bilang protocol sang tanan nga Local Government Units (LGU). Sa baylo sini, iga require na lamang ang mga travelers nga mag undergo sang clinical assessment sa mga terminals nga gin halinan kag paga kadto-an.
(via ABS-CBN)
