Agud malikawan ang polio outbreak sa pungsod, ginaganyat sang Department of Health (DOH) ang mga ginikanan nga pabakunahan ang ila mga kabataan batok sa nasambit nga infectious disease.
Pahayag ni Health Secretary Francisco Duque, apisar nga na-eradicate na ang polio, kinahanglan sa gihapon maseguro nga wala na sang magluntad nga outbreak.
Makabig nga ‘highly infectious’ ang polio nga posible malikawan pinaagi sa bakuna. Ang mga kabataan lima katuig panubo ang masami ginalatnan sang amo nga sakit.
Nauna na nga ginlunsyar sang DOH ang “Catch-up Routine Immunization” agud maseguro ang paghatag sang national immunization program sa mga kabataan.
Nagpaseguro naman si Duque nga safe kag libre ang mga bakuna sa local health centers sa idalom sang routine immunization.
Sadtong bulan sang Hunyo, gindeklarar sanng DOH nga tapos na ang polio outbreak sa pungsod kasunod sang pagbakuna sa masobrqa 11 ka milyon nga mga kabataan.
