Metro Manila – Ginpasiguro ni Health officer-in-charge Undersecretary Maria Rosario Vergeire nga wala pa sang bag-o nga kaso sang monkeypox virus sa Pilipinas kasunod sang anunsyo nga posible makahimo sang bakuna ang pungsod kontra sa nasambit nga virus sa tuig 2023.
Ginsiling ni Vergeire, ang 10 close contacts sang pinakauna nga kaso sang monkeypox sa pungsod amo ang yara sa quarantine kag wala gihapon sang positibo nga sintomas sang nasambit nga sakit.
Madumduman nga ginkumparar sang DOH sadtong Hulyo 29, may isa ka kaso sang monkeypox sa pungsod apang nakarekober na ini kag hilway na nga makaguwa sa ila nga balay.
Makalaton ang monkeypox paagi sa skin-to-skin contact samtang nagapakighilawas sa may sintomas sang virus kalakip na ang paghalok, paghikap kag paghimo sang oral sex, suno sa WHO.
May yara naman sang 16,000 nga kaso sang monkeypox ang narecord na sa 75 nga pungsod sa bug-os nga kalibutan sini nga tuig 2022.
