Bukas si four-division world champion Nonito Donaire Jr. nga itaya ang iya gina-uyatan nga WBC world bantamweight title kung magasugataay sila sang IBF world super flyweight champion nga si Jerwin Ancajas.
Matandaan nga dugay na nagpahayag ang 115-pounder nga si Ancajas nga magasaka ini sa bantamweight division agud ma-atubang sanday John Riel Casimero kag Donaire.
Para naman kay Donaire, maayo ang potensyal nga showdown nila ni Ancajas apang ginklaro sini nga ang tuyo niya karon nga mangin isahanon sa world titles sa 118 pounds.
Samtang, ginsiling sang asawa kag manager ni Donaire nga si Rachel nga wala siya sang may nakita nga sablag para indi madayon ang hampang batok kay Ancajas, apang gina-una nila karon ang mandatory challenger ni Donaire nga si Reymart Gaballo.
