Thursday, March 28, 2024

Drug personality ginluthang-patay sa Brgy. Banago

- Advertisement -

BACOLOD CITY – Patay ang isa ka anay priso nga drug personality matapos ginluthang sa computeran sa Purok Langis, Brgy. Banago, siudad sang Bacolod.

Ginkilala ang napatay sa kay Edcel Mike Diaz, residente sang Brgy. Granada sa nasambit nga siudad, kag anay priso nga imbolbado sa iligal nga droga.

Suno kay Police Major Armilyn Vargas, hepe sang Bacolod City Police Station 3, gin-report na lamang sa ila sang ospital ang nagluntad nga pagpangluthang takna las-4:50 sang kaagahon sang Lunes, Abril 24.

- Advertisement -

Base sa pagpang-usisa sang PS3, nagahampang sa computeran si Diaz sang ginsulod kag ginluthang sa dughan sang wala pa makilala nga suspek gamit ang wala pa matumod nga kalibre sang armas-luthang.

Naulamid man sa pagpangluthang si John Divinagracia, 26-anyos nga residente sang Brgy. Mandalagan, nga nakaangkon sang igo sa tiil apang manuggwa na ini sa ospital.

Dugang pa ni PMAJ. Vargas, may ‘person of interest’ (POI) na sila sa pagpangluthang kag ginalantaw nga motibo ang away angut sa iligal nga droga.

Gina-alegar nga madugay na nga ginasukot sang POI ang biktima.

Nahibaluan man nga nadakpan anay ang biktima sa kaso angut sa iligal nga droga apang nakaguwa ini pinaagi sa ‘plea bargaining agreement.’

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles