Tuesday, December 6, 2022

DSWD Magahatag sang P500 Milyones nga Cash Aid sa mga Indigent nga Estudyante

- Advertisement -
Indigent students to get financial assistance from DSWD

Pagasuguran na sang Department of Social Welfare and Development ang anum ka semana nga pag-distribute sang P500 milyones nga bulig pinansyal para sa mga indigent nga estudyante halin sa elementarya tubtob kolehiyo.

Ginpahayag ni Social Welfare Secretary Erwin Tulfo nga magasugod ang pagpanghatag sang cash aid sa Agosto 20 kag magapadayon kada Sabado tubtob Setyembre 24.

Apang wala ginhambal sang DSWD kung pila ka mga estudyante ang makabenepisyo sa nasambit nga cash aid.

- Advertisement -

“This program is aimed to help our indigent students all over the country. Meaning children coming from poor families will be given cash assistance to buy their school supplies or whatever they need in school,” suno kay Tulfo.

Tubtob tatlo ka mga kabataan kada pamilya ang makabaton sang bulig.

Sarang maka-set sang appointment sa DSWD ukon maka-walk in ang mga recipients para makuha ang ila cash assistance. Kinahanglan lang nga magdala ang mga estudyante ukon ila ginikanan sang proof of enrollment kag valid ID.

“Don’t worry, bayan, nakasubi na ‘yan para hindi kayo maubusan. We saved around ₱500 million na pondo para sa mga estudyante na indigent na kailangan ng mga gamit,” pahayag ni Tulfo.

 Magabukas sa aga ang DSWD offices sa bilog nga pungsod, suno kay Tulfo kag luyag sini nga ma-proseso dayon ang bulig pinansyal sa sulod sang isa ka adlaw.

” Ayaw kong pabalik-balik ang estudyante, mahal ang pamasahe. Kailangan ibigay on the same day,” suno pa kay Tulfo.

Ginpadyutay lang ang mga requirements agud nga indi mabudlayan ang mga recipients apang tanan nga nagakadto sa DSWD office ang i-assess gid para makita kung sila ang kwalipikado ukon indi.

May instruction na sa mga personnel sang DSWD nga ihatag ang bulig sa mga nagakinahanglan gid kag indi lang sa mga ginpili sang mga opisyales.

Ang pagpanghatag sang cash aid ang sa idalum sang Assistance to Individuals in Crisis Situation (AICS) program, kung diin napa-in na ang budget para diri.*

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

- Advertisement -

Latest Articles