Nagpahanumdum ang Department of Trade and Industry Secretary nga si Ramon Lopez sa mga online sellers nga padayon nagabaligya sang ila nga produkto online nga wala nagabutang sang presyo.
Sa pahayag ni Lopez iya sini ginhambal nga, “Required po yung price tag doon sa mga items na yon. Kaya ho hindi uubra yung walang presyong ilalagay.”
Mahimo nga mapriso ang makitaan sang bayolasyon kung ini ang mapamatud-an nga guilty.
Apang dugang ni Lopez sa mga customers nga may yara ang mga ini sang kinamatarong nga magpili sang ila sini nga balaklon sa insakto kag nagakadapat nga presyo.
Sa dugang nga pahayag ni Lopez, “if they don’t follow the law, they have no right to sell online.
Handa nga makipag-angot ang DTI suno kay Lopez sa NBI agud imbestigaran ang mga online sellers nga nagabaligya sang overpriced nga items ilabi nagid sa tion sang COVID19 pandemic.
Matandaan nga madamu sangmga negosyante online nga nag-react sa nauna na nga pahayag sang DTI ang makahang nga tinaga naman ni Lopez, “sa mga matitigas ang ulo, lalo na sa hindi paglagay ng price tag sa mga prime commodity, ay may multa po yun at maaari kayong makulong.”
Mahimo suno kay Lopez magtawag sa ila sini nga hotline sa 1384 agud matagaan sang leksyon ang mga naga-abuso online.
Madumduman nga nagbuya sang mainit nga tinaga si Presidente Duterte sa mga online sellers nga ginaabusaran ang sitwasyon sang pungsod sa mga pumuluyo nga indi makaguwa sa ila nga puloy-an.
