NEGROS OCCIDENTAL – Nakarecord sang dugang nga 3 ka mga indibidwal nga napatay tungod sang dengue ang probinsya sang Negros Occidental.
Sandig sa datus nga ginpaguwa sang Provincial Health Office (PHO) nagdangat na sa 27 ang kabilugan nga numero sang mga nagkalamatay bangud sang dengue sa probinsya.
Apang ginpahayag ni Provincial Health Officer Dr. Ernell Tumimbang, nga naganubo na ang kaso sang dengue sa sulod sang apat ka semana.
Suno sa report sang PHO, nagdangat sa 85 porsyento ang bag-o nga kaso sang dengue sa probinsya sandig sang ila morbidity week 34 humalin Agosto 21 tubtob Agosto 27.
Sa kapareho nga report makita nga sa morbidity week 31 nagasugod na ang pagnubo sa kaso sang dengue sa probinsya.
Sang Agosto 27 naglab-ot naman sa 3,956 ang kabilugan nga kaso sang dengue sa Negros Occidental.*
