“Dugang nga Sweldo!” panawagan sang mga manunudlo sa World Teacher’s Day

Liwat nga nagpanawagan ang mga manunudlo nga dugangan ang ila nga sweldo.

Sa adlaw sang World Teacher’s Day, nagtipon kag gindayon sang mga manunudlo sa Manila ang ila nga protesta.

Sa Mendiola kuntani ipatigayon sang mga manunudlo ang rally apang ginpunggan sila sang mga katapu sang Manila Police District.

Ginpaathag ni Vladimer Quetua, chairperson sang Alliance of Concerned Teachers (ACT) Philippines, nga bukas ang mga manunudlo para sa mga benepisyo katulad sang health card kag iban pa.

Apang, importante ang salary increase bangud mapuslan nila ini tubtub sa ila “retirement”.