Duha ka miyembro sang 94th Infantry Battalion, 3ID, Philippine Army ang napatay sa tunga sang pagpakigbato sa seguridad kag kaluwasan sang mga Himamaylanon batok sa NPA Terrorist sa Brgy. Buenavista, Himamaylan, Negros Occidental.
Ang mga napatay nga Army ang ginkilala sanday Corporal Christian P Drilon, nga taga San Enriquie, Iloilo kag Corporal Rex G Verde nga taga Guimaras.
Samtang ang anum naman nga pilason sa nagluntad nga engkwentro ang ginkilala sanday Corporal Joey Gardose, Private First Class (PFC) Rolly Rama, PFC June Fuentes, PFC Lander, Private Wilchor Recaña kag Sergeant Edgiel Ucag.
Nagbuylog naman sang kasubo si BGEN Inocencio Pasaporte, 303rd Brigade Commander sa mga pamilya sang napatay nga mga Army.
“Despite the loss of our heroic soldiers, your Army in Negros will remain steadfast in defending the peace against the CPP-NPA Terrorists,”pahayag ni BGEN Pasaporte.
