Nabawian sang kabuhi ang tatlo tanan ka mga persona, matapos nga nagbunggu-anay ang duha ka magagmay nga mga eroplano sa kahawaan, sa Colorado.
Separado man nga mga lugar ang natup-an sang duha ka mga sakayan pangkahawaan, sang magluntad ang trahedya, antis las 9:00 sang aga sini nga Domingo, Setyembre 18.
Mismo ang mga residente nga nakasaksi sa insidente ang nagpahibalo sa mga otoridad.
Nagluntad ini sa kalayuon nga 30 miles gikan sa norte nga bahin sang Denver, base sa datus nga gin release sang Boulder County Sheriff’s Office.
Base sa report, duha ka mga persona ang nagasakay sa isa ka eroplano kag lunsay wala na sang kabuhi sang maabtan sang mga rescuers.
Patay man ang isa ka persona nga nagasakay sa ikaduha nga eroplano, sang masapwan sang mga responders.
Imbolbado sa pagbunggu-anay ang Cessna 172 kag Sonex Xenos.
Suno sa Federal Aviation Administration, nagbunggu-anay ang duha ka mga eroplano malapit sa Vance Brand Airport nga isa ka general aviation airport sa Logmont Colorado.*
