Duha ka estudyante naaktuhan nga nagabaligya sang iligal nga droga sa ila buluthuan sa Camarines Sur

Arestado ang duha ka estudyante matapos maaktuhan sang security guard nga nagabaligya sila sang dahon sang marijuana sa sulod sang buluthuan sa Calabanga, Camarines Sur.

Sandig sa mga otoridad, ginkilala ang mga estudyante nga sanday Jordan Delos Reyes, 19-anyos kag Carlito Francisco Jr., 20-anyos nga lunsay naga-eskwela sa Jose De Villa National High School sa nasambit nga lugar.

Narekober man sa mga suspetsado ang ginadumilian nga bulong nga nakaputos sa papel.

Sa karun, yara sa kustodiya sang Calabanga Police Station ang mga suspetsado nga magapangatubang sa kaso nga Republic Act 9165 ukon Comprehensive Dangerous Drug Act of 2002.