Arestado ang duha ka lalaki sa ginpatigayon nga buy-bust operation sa Yunque St., Barangay 1 sa siudad sang La Carlota takna la 1:34 sang hapon sini nga Miyerkules, Abril 26.
Ginkilala ang mga suspek nga sanday Duke Jericho Honrado, 23-anyos, ginakabig nga Street Level Individual (SLI) kag Rhads Gidaya, 27-anyos, pareho nga residente sang nasambit nga siudad.
Narekober sa mga suspek ang siyam tanan ka pakete sang ginasuspetsuhan shabu, nalakip na ang buy-bust item, nga nagabug-at sang 10 ka gramos kag nagabalor sang P60,800.
Magluwas sa suspected shabu, nakuha man ang isa ka weighing scale, isa ka coin purse, isa ka sling bag, isa ka cellular phone (iphone), kag P500 nga buy-bust money.
Nakahunong karon sa La Carlota City Police Station ang mga suspek nga magapang-atubang sa kaso nga paglapas sang RA 9165 ukon Comprehensive Dangerous Drugs Act of 2002.*