Ginkasal ang duha ka miembro sang LGBTQIA+ sa Sts. Peter and Paul Parish sa siudad sang Ormoc sang Martes, Abril 25.
Ang bride amo si “Dave” ukon Divina Bojos kag ang groom amo naman si “Arce” ukon Arce Dadios.
Ginpangunahan ni Fr. Daniel Alexander Hilvano, Parochial Vicar sang Sts. Peter and Paul Parish ang nasambit nga misa.
Suno sa bag-o nga kasal, nagsugod ang ila love story makaligad ang lima ka tuig sang pareho sila nga kustomer sa isa ka donut shop kun sa diin ginasunlog sila sang ila mga abyan sa isa kag isa.
Gin-ako ni Arce nga na-love at first sight siya kay Dave tubtob nga mag-sige ang ila contact sa isa kag isa, kag nagdesisyon nga magtipon sang kwarta agud magpakasal sa simbahan.
Indi man malikawan nga ginatawaan sila sang pila ka mga tawo bangud sa ila pinasahi nga relasyon, apang ang importante wala sila sang mga ginatapakan nga tawo.*
Congratulations and best wishes, Arce and Divina Dadios!
