Sunday, January 29, 2023

Duha ka Persona Pilason sang Malab-an sa Pistahan sa Syudad sang Sagay

- Advertisement -
photo courtesy of Sagay Police Station

SAGAY CITY – Pilason nga gindangat sa ospital ang duha ka mga persona matapos malab-an sang hubog nga nag-amok sa pistahan nga ginhiwat sa Purok Kawayan, Brgy. Rafaela Barera, syudad sang Sagay, Negros Occidental.

Sandig sa report nagikan sa kapulisan, nagluntad ang insidente mga takna alas-11:30 sang gab-i, Martes, Agosto 16, 2022 samtang naga hiwat sang fiesta ang nasambit nga lugar.

Sang may nagluntad nga ginamo sa tunga sang grupo samtang naga sinadya, apang sa wala pa matumod nga rason, hinali na lamang nga nagkuha sang espading ang suspek nga ginkilala kay Tinton Cuambot kag nagpanglabo.

- Advertisement -

Resulta diri amo ang pagkapilas sang duha ka biktima nga ginkilala kay Kenneth James Abong, 17 anyos kag si Mark Dejito, 36 anyos, lunsay residente sang nasambit nga barangay.

Gilayon nga ginbuligan dala sa ospital sa Sagay ang duha ka biktima nga karon, sandig sa impormasyon, yara na sa luwas nga kahimtangan.

Samtang gilayon man nga nagpalagyo ang suspek nga si Tinton Quambot nga padayon pa ginapangita sang kapulisan.

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

- Advertisement -

Latest Articles