DUHA KA PINOY CREW SANG BARKO GIKAN SA INDIA NGA NAKA ANGKLA SA MANILA, YARA SA KRITIKAL NGA KONDISYON

Gindala na sa isa ka pasilidad ang duha ka mga crew sang MV Athens Bridge matapos nga naglala ang ila kondisyon, bangud sang COVID 19.

Huwebes sang gab-i, nagsaka sa barko ang mga doktor gikan sa Bureau of Quarantine (BOQ), agud magpatigayon sang assessment angut sa kondisyon sang ikaayong lawas sang mga Pinoy seamen sa nasambit nga barko.

Nagapabilin naman ang iban pa nga mga Pinoy crew sa sulod sang barko.

Ang MV Athens, nagbiya sa India sang Abril 22 kag nag-abot sa Vietnam sang Mayo 1.

Base sa datus nga gin release sa media, 12 sa 21 ka mga Filipino crew sang barko nagpositibo sa COVID 19.

Sa karon, yara sa pier sa Manila ang nasambit nga barko, matapos nga ginpahanugutan ini sang gobyerno nga magdungka sa Pilipinas.