Sunday, December 4, 2022

Duha ka Solterito nga Nangawat Cellphone sa Tiyangge, Nadakpan na

- Advertisement -

Victorias City, Negros Occidental – Arestado ang duha ka solterito matapos nangawat sang cellphone sa isa ka tiyangge sa dalan Gomburza, Brgy. 6, sa syudad sang Victorias takna las dyis sang gab-i sang Miyerkules, Agosto 10, 2022.

The said two suspects of stealing a cellphone from a minor faced a case against them at the Victorias City Police Station.

Ginkilala ang duha ka mga suspetsado nga sanday Rene Boy Loyola, 18-anyos kag Herman Regalado, alyas “Pang-al”, 21-anyos; lunsay mga residente sang Salvacion Subdivision sa nasambit nga barangay.

Suno sa Victorias City Police Station, nagbakal ang mga suspek sang duha ka sigarilyo apang sang nagtalikod ang nagabantay sang tiyangge para magkuha sang sensilyo, hinali ginkuot ni Regalado ang cellphone nga yara sa sulod sang tiyangge.

- Advertisement -

Gin-report sang tiya sang nagabantay sang tiyangge ang insidente sang Huwebes, Agosto 11 kag nagpatigayon sang imbestigasyon ang kapulisan agud madakup ang mga suspek.

Nakilal-an naman ang mga suspek bangud kilala ang mga ini sa ila nga lugar.

Gilayon nga ginkadtuan sang kapulisan ang mga suspek sa ila puluy-an kag tigayon nga nadakup ang mga ini.

Narekober naman sa mga suspek ang cellphone nga nagabalor sang P8,000.

Sa karon, nakahunong sa Victorias CPS ang mga suspek nga nagapang-atubang sang kaso nga theft.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles