Gin-abi-abi ni Presidente Rodrigo Duterte ang panawagan sa Ombudsman nga maghiwat sang ila kaugalingon nga imbestigasyon angut sa kontrobersyal nga multibillion-peso deals sa tunga sang gobyerno kag Pharmally Pharmaceutical Corp.
Ini matapos nagpanawagan ang Philippine College of Physicians (PCP) sa Ombudsman nga magpasaka sang nagakaigo nga kaso batok sa mga responsable sa gina-alegar korapsyon.
“We have been saying this for the longest time and we all know that the Senate cannot prosecute. Mabuti pa ang mga doktor, alam at naintindihan nila. Filing cases is the right way to go,” suno kay Duterte.
Banat ni Duterte sa Senate Blue Ribbon Committee nga nagahiwat sang imbestigasyon sa amo nga kontrobersiya, untaton ang pag-gamit sa issue para sa eleksyon.
Suno sa presidente, wala sang overpricing sa pagbakal sang gobyerno sang mga medical supplies sa amo nga kompanya.
