Tuesday, October 4, 2022

DUTERTE LEGACY: PCOO SECRETARY MARTIN ANDANAR GINPAKIGBAHIN ANG ACCOMPLISHMENT REPORT NI PRESIDENTE DUTERTE UMPISA 2016 TUBTOB ANG MALAPIT NA NGA PAGTAPOS SANG IYA TERMINO

- Advertisement -

Indi naman lipod sa mga Pilipino nga malapit nalang matapos ang termino ni Presidente Rodrigo Duterte umpisa pa sadtong 2016 tubtob 2022.

Sa ekslusibo nga interview sang Radyo Bandera Bacolod kay PCOO Secretary Martin Andanar, iya sini ginbuyagyag ang mga madinalag-on nga legasiya nga ginhimo ni Presidente Duterte sa iya nga administrasyon.

Halos 1,623,628 ka mga estudyante ang beneficiaries sang “FREE TUITION” law umpisa 2020 tubtob 2021.

- Advertisement -

Naglab-ot sa 3,736 ka mga kabataan ang na-rescued sa Anti-Drug Operations umpisa sa bulan sang Hulyo tuig 2016 tubtob Mayo tuig 2021.

Kapin man sa 2,460,108 ka mga mangunguma ang nakabenipisyo sa Rice Tarification Law as of June 30,2021.

Agud man mapadayon ang Peace and order sa administrasyon ni Duterte, isa man sa mayor nga ginprayoridad sini ang pagsugpo sa mga drug personalities pinaagi sa anti-drug operations.

Angot diri, kapin sa 1,223,445 ka drug surrenderers ang narecord as of June 2021 samtang 22,585 naman ka Barangay ang Drug-cleared umpisa Hulyo 2016 tubtob Mayo 2021.

Samtang, sa idalom naman sang Build, Build, Build program, ginsiling ni Andanar nga natukod ang mga airports, seaports, transport terminals, flood mitigations structures, roads, bridges, highways, classrooms kag evacuation centers.

Angot diri, ginlawag ni Andanar ang Iloilo River Esplanade nga proyekto sang gobyerno kag ang Cordova-Cebu expressway.

Sa idalom man sang Duterte Administration, ginpasakaan ang maternity leave period sa 105 days halin sa 60 days pinaagi sa ginpirmahan ni Presidente Rodrigo Duterte nga Republic Act. No. 11210, ukon ang “105-Day Expanded Maternity Leave Law.

Nangin topiko man sa interview ang angot sa West Philippine Sea sa idalom ni Presidente Duterte nga gina-agaw sang China sa diin, ginsiling ni Andanar nga nagtuman ang China nga wala sila sang kuhaon sa West Philippine Sea sa idalom ni Duterte.

“WE ARE NOT IN THE BUSINESS OF FAKE NEWS. WE INTEND TO KEEP OUR REPUTATION,” pahayag ni Andanar angot sa pagpalapta sang fake news nga depensahan ang West Philippine Sea bangud ginakuha sang china.

“Sa loob ng halos 6 years, meron bang nawala na bato o isla sa Pilipinas at napunta sa China? Wala. Wala sila nanakaw.” Pahayag ni Andanar.

Gindugang pa sini nga bangud sa idalom sang pagpamuno ni Duterte, nagbalik ang mga mangingisda sa West Philippine Sea.

Ginpakigbahin man ni Andanar ang gintukod nga Media Hub sa Mindanao nga ginpabakod ang communication services sa Mindanao sa idalom ni Duterte nga “first time in history” “may yara ang pungsod sang radio, TV, print, wire service, intra-personal communication, online, kag new media sa idalom sang PCOO.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles