Duterte, Nagtambong sa Virtual Nga Asean Leaders’ Summit

Nagtambong si Presidente Rodrigo Duterte sa virtual nga Association of Southeast Asian Nations (ASEAN) leaders’ summit nga nagsugod subong nga adlaw, Oktubre 26 tubtob 28 via video conferencing.

Ang summit ang pagatambungan man sang mga lideres sang ASEAN member states, bloc’s secretary-general, non-ASEAN East Asia Summit members kag tagpamuno sang World Health Organization kag World Trade Organization.

Suno sa Office of the President, si Duterte ang maga-diskusyon kaupod sa mga ASEAN state leaders sang ila COVID-19 response, recovery efforts kag iban pa.

Kabahin sang ASEAN amo ang Brunei, Cambodia, Indonesia, Laos, Malaysia, Myanmar, the Philippines, Singapore, Thailand kag Vietnam.*