UPDATE: Patay ang duwa ka persona sa nagluntad nga shooting incident sa Hacienda Basa, Barangay 10, ciudad sang Victorias sadtong Mayo 29,2021.
Ginkilala ang napatay kay Regie Loquinario, 32 anyos kag Jony Solitario.
Samtang pilason naman si Daryl Solitario kag Ryan Certecio.
Si Regie kag Ryan ang magpakaisa samtang si Jony kag Daryl ang mag-utod.
Sa inisyal nga imbestigasyon, nanghangkat sa puluy-an sang mag-utod nga Solitario ang magpakaisa nga si Regie kag Ryan sa diin, nagluntad ang paglukpanay sa magtimbang nga bahin.
Gintiro ni Ryan si Jony nga naiguan sa ulo kag nabawian gid sang kabuhi.
Nagbalos naman sang tiro ang utod ni Jony nga si Daryl kag naigu-an sa tiyan si Regie nga gindeklarar dead on arrival.
Narekober sang mga kapulisan ang isa ka set sang homemade 12 gauge shotgun, 3 empty shell fired 12 gauge shotgun, kag 1 empty shell fired bullet sang caliber 45 handgun.
Away sa trabaho ang ginapatihan isa sa rason sa nagluntad nga insidente.
