Gin-aku ni Elisse Joson nga nagbalikanay na sila ni McCoy de Leon, ang amay sang iya anak nga si Felize.
Sa isa ka interview, ginsapubliko sang aktres nga mas nangin strong ang bond nila ni McCoy matapos ang pila ka bulan nila nga pagbulagay.
Wala naman ginpakigbahin ni Elisse kun ano ang nangin problema nila ni McCoy.
Gindugang pa ni Elisse nga mas nangin sweet si McCoy sa ila ni Felize.
Apang, wala pa sila sang plano nga magpakasal.
“We’re doing it step-by-step. We’re focusing on our own house, our own property, para stable. Kaya okay lang kahit (na wala munang kasal) kasi magiging expensive ang kalalabasan niya,” pahayag ni Elisse.
Gindugang pagid ni Elisse nga ginaplanuhan na nila nga magka baby No. 2 ni McCoy apang gina-enjoy pa nila subong ang oras kaupod si Felize nga amo sa karon ang espesyal sa ila nga duha.
