Entrance sa Karnabal sa likod NGC, libre tubtub Setyembre 30

BACOLOD CITY – Ginbuksan na para sa publiko ang Five Star Mobile Karnabal sa likod sang Bacolod City Government Center sugod sini nga gab-i sang Sabado, Setyembre 17.

Suno sa tag-iya sang karnabal, LIBRE ang entrance tubtub sa Setyembre 30, 2022.

Umpisa Oktubre 1, 2022, dungan sa Grand Opening sang Masskara Festival 2022, magapanukot na sila sang entrance fee nga P50.

Sa kada rides, may bayad man nga P50 kada tawo para sa lima ka minutos nga pagsakay.*