Friday, March 29, 2024

Estudyante gina-alegar ginkuga kag ginsakit sang maestro sa Pontevedra

- Advertisement -

PONTEVEDRA – Isa ka estudyante ang nagareklamo nga ginsakit kag ginkuga ini sang isa ka manunudlo bangud nga wala ini nagsunod sa ‘haircut requirement’ sa Pontevedra National High School sang Lunes, Abril 3.

Screenshots from Chriz Segovia
Screenshots from Chriz Segovia.

Base sa panaysayon ni alyas Nonoy, 16-anyos nga Grade 11 student, pagkatapos sang ginhiwat nga flag ceremony, nasugata sini ang maestro, nga kabahin sang Music, Arts, Physical Education and Health (MAPEH) Department kag Disciplinary Committee.

Ginhanaan ini sang maestro nga guntingan ang iya buhok kaina sang aga, apang nag-ayo ang estudyante nga sa guwa lang ini mapagunting.

- Advertisement -

Suno sa estudyante, didto ini ginliab kag ginwahig sang maestro.

Dugang pa sang estudyante, ginkuga pa ini sang maestro kag ginhambalan nga wala ini nagarespeto.

Sa tunga sang kinagamo, nahulog ang bag sang estudyante kag gina-alegar sini nga ilampus kuntani sa iya ang bag sang maestro.

Ginpahayag sang estudyante nga wala ini nakabalo nga may natalana nga haircut inspection bangud absent ini sang gin-anunsyo ini.

Suno sa principal nga si Gene Espinosa, indi pa makahatag sang opisyal nga pahayag ang buluthuan apang nagpakig-angut na sila sa Department of Education (DepEd) Division of Negros Occidental agud makapatigayon sang imbestigasyon.

WATCH: Nakuhaan sang video ang nasambit nga insidente.

Video courtesy of Chriz Segovia.
- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles