Ginpanindugan sang 32-anyos nga ex-boyfriend sang SK Chairwoman sa probinsya sang Capiz nga indi siya ang nagpalapta sang sex scandal kag indi man ini ang kaupod sang babayi sa nagalapta nga video.
Sa interview sang programa nga Sentensyador sa ex-boyfriend snag SK chairwoman, ginsiling sini nga indi siya ang sa likod sang paglapta sang sex scandal sang iya nga nobya.
Sa iya nga panaysayon, sa tatlo ka tuig nga sila ang magkarelasyon, tinalikdan lamang nga tuig sang nag-umpisa nga indi nangin maayo ang ila relasyon sa diin masami nga ‘away-bati’ ang ila nga set-up nga duha.
Ini matapos nga pareho sila nga nabiktima sang isa ka scam sa diin may isa ka Koreano nga nagapangrecruit nga magtrabaho sa Korea apang kinahanglanon anay nga maghatag sang P75,000 nga placement fee.
Mismo ang Sk Chairman nga kahagugma sini ang naghambal nga masulod bangud luyag sini nga magtrabaho ang nobyo para man sa ila nga buwas-damlag sa tion nga magdesisyon na ang mga ini nga magsettle down.
Nag-atubang pa suno sa iya ang iya nga anay-nobya sa iya nga ginikanan kag amo ang nagkumbinsir nga indi isa ka scam ang ila nga pagasudlan.
Nakumpirmar na lang sang lalaki nga na-intuan sila bangud sang tinalikdan nga Oktubre 21, 2019, adlaw kun sa diin manuglakat na kuntani ini sa Korea agud nga magtrabaho ,natingala nalang sila nga napost-pone ang ila nga paglakat.
Sang ila ginpadulungan ang balay sang Koreano, wala na ini didto kag amo yadto ang nangin ugat sang ila nga away.
Ginpahayag man sang nobyo nga wala sila sang pormal nga break-up sang Sk Chairman bangud indi kuntani sini luyag nga makigbulag bangud luyag sini nga bayaran sang babayi ang P75,000 nga na-scam sa ila.
Agosto 19, nagkigbulag ini sa babayi bangud nga iya nadakpan nga may kachat nga duha ka mga lalaki sa diin isa diri ang foreigner kag Pinoy naman ang isa.
Agosto 28 sang may nagsugid sa iya sang nahanungod sa nagalagaw nga scandal sang babayi.
Suno diri, sa ginapahayag lima ka sex videos nga nagalagaw karon online, isa lamang ka video ang naggwa nga siya ang kaupod sang babayi sa diin makit-an diri nga ginakomprontar sini ang kahagugma kun sin-o ang kaupod sini nga iban nga lalaki.
Iya naman nga ginpanginwala nga indi siya ang kaupod sang babayi sa iban pa nga videos sa diin nagasaot ini, nagapatigayon sang ‘oral sex’ kag iban pa.
Bisan pa ang lalaki ang naglibog ang ulo kun sin-o ang nagpalapta sang mga videos nga ini bangud sang katapusan sang bulan sang Enero sang nagpadulong ini sa Manila na-snatch ang iya nga cellphone kag ang video sa diin ginakomprontar sini ang babayi ang nasave sa iya nga messenger.
