May yara sang 47,000 ka mga pampubliko nga mga buluthuan sa Pilipinas.
Suno sa DEPED, posible nga 90 porsyento sang nasambit nga mga eskwelahan magapatigayon na sang face to face classes sini nga Agosto 22.
Sang tinalikdan nga tuig, 76 porsyento ang nagpatigayon sang “in person classes”.
Sini nga tuig, nagsaka ini sa 90 % sa diin ang 10 % nga nabilin, magapatigayon naman sang blended learning.
Suno kay DEPED Undersecretary Epimaco Densing III, magapakig-angut ang education department sa mga local government units, agud pahanugutan sila nga makapatigayon sang “in person” okon face to face classes.
Sa pagbukas sang klase sa Agosto 22, may opsyon pa ang mga buluthuan kon bala magapatigayon sila sang “remote classes”, “blended learning mode” okon “in person classes”.
Base naman sa DEPED Order no. 34, kinahanglan na nga magpatigayon sang “in person classes” ang tanan nga mga buluthuan sa bulan sang Nobyembre.*
