RBSFM NEWSCENTER – Nabalaka ang mga educators sa Amerika bangud sang sobra nga pagnubo sang mga grado sang ila mga estudyante sini nga pandemya ilabi na sa online classes kag modular learnings.
Suno sa mga US education officials, tatlo ka pilo ang pag saka sang kadamo-on sang estudyante nga naka angkon sang failing grades (70) sa first semester sang school year 2020-2021 kun ikumpara sa school year 2019-2020 base sa school district data.
Suno pa sa US Department of Education, ang kataason o kanobo-on sang grades ang wala nagaka hulogan nga maalam o mango ang bata. Bangud ang failing grade ang pwedi nga bangud sa indi pag attend sang klase bisan pa maalam ang estudyante. Apang, ang manubo nga grado ang maka pa dismaya sa ginikanan kag maka panubo sang confidence level sang kabataan. Ini man ang maka pa delayed sang graduation kag maka hatag sang upang sa pag pili sang gusto nga kurso sa koleheyo.
Padayon sa karon ang pag preparar sang US sa posible nga pag balik sang face to face nga klase sa idalum sang guidance sang U.S. Centers for Disease Control and Prevention.
