Sunday, December 4, 2022

Familia De Luzuriaga Cemetery sa Bacolod pagahimoon nga Heritage Site kag Tourist Destination

- Advertisement -

BACOLOD CITY – Sa ginpasar nga Proposed Ordinance ni Councilor Jason Villarosa, chairman sang Committee on Tourism sa ika pulo nga regular session sang Sangguniang Panlungsod Bacolod, ginaplano nga himuon nga heritage site kag tourist destination ang Familia de Luzuriaga Cemetery, isa ka pribado nga patyo sa tunga sang dalan sa Bacolod.

Sa interview sang Radyo Bandera kay Councilor Villarosa iya ginpahayag nga nagpalapit sa Ciudad ang Pamilya Luzuriaga, ilabi na gid kay Mayor Albee Benitez kag sa konsehal nga willing sila nga ipa identify ang sementeryo nga mangin isa sa tourist destination sang Bacolod.

Kun matigayon nga ma aprobahan sang konseho ka Bacolod kag ma pirmahan sang Alkalde ang nasambit nga ordinansa, maga alokar sang pondo kada tuig ang Ciudad para sa pagpanami kag pag maintain sang sementeryo.

- Advertisement -

Suno pa sa konsehal nga ang FAMILIA LUZURIAGA CEMETERY ang yara sa Guinness Book of World records kag Ripley’s Believe It or Not, bilang nagaisahanon nga sementeryo sa bilog nga kalibutan nga yara sa tunga sang dalan.

Kun mangin ordinansa na, posible nga ang patyo ang maupod sa pwede kadtuan sang mga turista nga mangin available sa website kag iga promote sang City Tourism nga isa sa pwede nga lawagan sang maga naga bakasyon sa Bacolod.*

- Advertisement -

Related Articles

Leave a Reply

Stay Connected

- Advertisement -

Latest Articles