Filipinas nalutos kontra Costa Rica

BACOLOD CITY– Nalutos ang Filipinas kontra Costa Rica sa isa ka friendly game match sa Estadio Ricardo Saprissa stadium sa San Jose, Costa Rica.

Natapos ang hampang sa score nga 2-1.

Ginpangunahan ni Carleigh Frilles sang Filipinas ang una nga goal sa first half sang game.

Nangin agresibo naman ang Costa Rica kag nakapuntos sang duha ka beses pina-agi sanday Rocky Rodriguez kag Gloriana Villalobos.

Sa katapusan sang hampang, wala na nakapuntos ang Filipinas kag nalutos ini. Ang nasambit nga match amo ang preparasyon para sa maabot nga FIFA Women’s World Cup 2023.*