- Advertisement -
Kritikal karon ang kondisyon sang Pinoy nga abogado nga nagbisita lang kuntani sa Philadelphia, USA apang ini ang natiruhan sa nagluntad nga random shooting.
Una na nga nareport sang Philippine Consulate General sa New York nga napatay na ang abogado nga si John Albert Laylo nga taga Taguig City, apang wala pa ini napamatud-an.
Nahibaluan nga kaupod sang abogado ang iya iloy sakay sa isa ka salakyan padulong sa airport para sa ila flight padulong sa Chicago sang sila ang ginpaarakan tiro.
- Advertisement -
Naiguan si Laylo sa ulo samtang pilason naman ang iya iloy.
Sa karon, gintadlong sang konsulado ang una nga report kag ginsiling nga nagapabilin na sa life support ang biktima.
- Advertisement -
