“Gin pulot ko lang sa basurahan kag gin labhan sir”
Nangin inspirasyon ini nga first-year college nga estudyante halin sa Iloilo City bangud nag-attend ini sang iya klase gamit ang bag nga ginpulot niya sa basurahan.
Gin-share sa Facebook ni Mark Angelo Donesa, instructor sa University of Iloilo, kung paanu nagkadto sa eskwelahan ang criminology student nga si Fritz Aldrin Arsalon suksok ang tsinelas kag gamit ang guba nga bag.
“Biskan bawal wala sapatos nga rubber shoes kag dapat ang bag Backpack wala gid sya nag duwa’2 mag sulod sa klase namon biskan bal.an ya pinahan sya,” suno kay Donesa.
Nag amot-amot ang mga kaupdanan nga instructors ni Donesa sa University of Iloilo agud bayaran ang uniform pati na ang tuition ni Arsalon.
“Ang willingness mag learn ka bata nag kumos sa heart namon nga mga instructor. So nag ambag kami para sa iya shoes, bag, pants kag shirts para may pang school niya kag especially kay sir Raj Moerly G. Zamoras nga nag hatag sa iya pang tuition ya . Kag sa mga buddy ko nga nag bulig sa iya Cash kag gamit,” suno kay Donesa.
Si Arsalon mismo ang nagasuporta sang iya kaugalingon nga pag-eskwela kag nagaisahanon sa Iloilo samtang malayo ini sa iya pamilya sa Capiz.
“Gusto yagid maka tapos skwela amo na nag pasimpalad di sya. Handom lang namon mga instructor Fritz ma lab’ot mo handom mo bskan ano pa ka unfair sang kalibutan. God bless Fritz. ❤️❤️,” pahayag ni Donesa.
Sa karon, may yara na sang duha ka pares sang sapatos, 6 ka delargo, 5 ka puti nga t-shirt, bag, groceries kag cash si Arsalon.*
