BERLIN, GERMANY – Naghimo sang konsepto ang isa ka science enthusiast sang isa ka cruise nga pwede makalupad sa kalangitan gamit ang nuclear energy sa Berlin, Germany.
Ginpangalanan ang nasambit nga konsepto nga ‘Sky Cruise’ nga ginhimo ni Hashem Al-Ghaili.
Suno kay Al-Ghaili, posible mahimo ang flying hotel pamaagi sa nuclear power kag pwede gamiton sa transportasyon pakadto sa mga vacation spot sa bug-os nga kalibutan.
Nagsiling naman ang iban nga scientist nga indi ini posible bangud sa komplikado ang aerodynamics sang nasambit nga salakyan.
Apang, nagapati gihapon si Al-Ghaili nga posible mahimo ang flying hotel antes ang tuig nga 2040 bangud sa madasig nga dalagan sang teknolohiya.
“All we need is sufficient energy for the take-off… I believe it’s a matter of time before powerful nuclear reactors become small enough to fit inside a plane that size,” suno kay Al-Ghaili.
