Naga-atubang sa madako nga problema ang isa ka kalan-an ukon “food stall” sa United Kingdom matapos ini gindemanda sang ila nga kustomer sang nagligad nga apat ka tuig.
Ginbasol sang lalaki nga si Tyrone Prades ang food stall sa iya kahamtangan subong, kun diin nagaka-eksperyensya ini sang wala untat kag indi mapunggan nga pag-utot.
from BroBible.
Sadtong tuig 2017, si Pradea ang nagbakal kag nagkaon sang sandwich sa nasambit nga kalan–an kag matapos lamang sang pila ka oras, nakabatyag ini sang pagsakit sang tiyan, paglupot, pagsuka kag hilanat.
Gindala si Prades sa ospital kag na-confine ini sang lima ka adlaw bangud kontaminado sang “bacteria” ang iya nabakal kag nakaon nga sandwich.
Matapos ma-ospital kag makarebober, wala na nagbalik sa normal ang kabuhi ni Prades bangud magsugod sadto masami na ini mag-utot kag indi niya ini mapunggan rason nga nagakabuhinan ang iya “self-esteem” kag ginalikawan niya man nga magguwa sa ila nga balay agud indi na ini mahuy-an.
Samtang, ginpaningwala man sang tagiya sang food stall ang alegasyon ni Prades kag nanindugan sila nga kinahanglan pamatud-an sang tagreklamo ang akusasyon batuk sa ila.
