Nagtakop na kagab-i, Biyernes, Agosto 12, 2022 ang “FPJ’s Ang Probinsyano” matapos man ang kapin pito ka tuig sa ere.
Kung ikaw ang pamangkuton Kabandera, ano ang mahambal mo sa finale episode?
Sa katapusan nga episode nakit-an ang pagkapatay sang tanan nga miyembro sang Task Force Agila, nalakip na sang kontrabida nga si Renato Hipolito nga ginadala sang aktor nga si John Arcilla kag ni Lucio nga ginadala naman ni Reymond Bagatsing.
Ginhatagan naman sang “medal of bravery” ni Presidente Oscar Hidalgo (Rowell Santiago) si Cardo Dalisay (Coco Martin).
Nagbalik si Cardo sa probinsya kaupod ang iya pamilya kag tigayon nga nakaupod si Mara (Julia Montes).
Naghatag man sang tribute ang palagwaon sa anay beterana nga aktres nga si Susan Roces nga nagtaliwan tinalikdan nga Mayo. Ang papel nga iya gindala bilang Lola Flora sa show ang napatay man, samtang ginpakita ang mga tinion ni Roces sa nasambit nga series.
May yara man sang isa ka scene kung diin ginbisita ni Cardo, Onyok (Onyok Pineda) kag iban pa nga mga kabataan ang lulubngan ni Lola Flora, kung diin naka-display ang matuod-tuod nga kaadlawan kag petsa sang pagtaliwan ni Roces.
Pagabuslan ang nasambit nga show sang “Mars Ravelo’s Darna: The TV Series” nga magasugod sini nga Agosto 15.
