Wednesday, February 8, 2023

Gina-alegar miyembro sang NPA dakop sa syudad sang Talisay

- Advertisement -

Dakop sang mga otoridad ang gina-alegar miyembro sang New People’s Army (NPA) sa Hacienda Ambulog sa Barangay San Fernando, syudad sang Talisay, Negros Occidental Huwebes Enero 14.

Ini matapos ang insidente nga nagluntad sang Miyerkules Enero 13 sa diin ginapatihan nakapalagyo ang mga gina-alegar miyembro sang CPP-NPA sang nagresponder ang 79th Infantry Battalion (IB) sa mga report nga may presensya sang mga rebelde sa nasambit nga lugar.

Ginkilala ang nadakop bilang si Ruffa Baynosa alyas Reniel, residente sang Barangay San Jose banwa sang Toboso.

Suno sa press release sang army, nagamonitor ang tropa sa lugar sang may na-notisyaran nga ‘suspicious persona’ nga tuyo kuntani magsulod sa puluy-an ni Marilyn Dianton.

Sa imbestigasyon sang Talisay City PNP, natukiban nga may yara sang tatlo ka pending warrant of arrest para sa kaso nga murder si Baynosa.

Lakip si Baynosa sa 20 ka mga armado nga NPA ang na-imbolbar sa ambush sang mga sibilyan nga sakay sang utility truck sa Purok Mabuhay III, Sitio Toril, Barangay Salamanca sa banwa sang Toboso, sadtong Hulyo 13, 2009.

Matandaan nga tatlo ang patay kag tatlo man ang nasamaran sa nasambit nga insidente.

Samtang ginpasalamatan naman ni Lieutenant Colonel Gerard Alvaran, commanding officer sang 79 IB, ang effort sang tropa sang army kag personnel sang Talisay City Police Station.

Ginpahanumduman naman ni Alvaran ang publiko nga mangin vigilante kag ireport gilayon sa otoridad kung may yara sang presensya sang NPA sa ila lugar.

- Advertisement -

Related Articles

Leave a Reply

Stay Connected

- Advertisement -

Latest Articles